صباح / مساء الورد
موضوع اليوم فجأه جاء على بالي وافتكرت ان كذا مرا جاني سؤال ايش افضل منتجات او روائح من باث اند بودي ف حبيت اديكم فكرة بسيطة عن باث وعن منتجاتهم واكثر شيء يعجبني عندهم
ايش هي باث اند بودي؟
هي شركة امريكيه اشتهرت بروائح شموعها وكمان اشتهرت بمجموعاتها (عطور كريمات شاور جل)
نبدأ بعشقي الابدي المؤبد شمووعهم *قلوب من هنا الين باث*
حقيقي ما اعرف ايش اقول ريحة شموعهم مرا قويه وجميله
الشمعه الصغيره ب 45 والكبيرة 95 .. بالنسبة للي عندي هم
* Paris amour
* Lavender Vanilla
* Dark Kiss
* Twilight woods
* Japanese cherry Blossom
* Gelato
* Bellini Cafe
* Bergamot Woods
اعترف اني انسانة فاشله بوصف الروائح عشان كذا ما وصفتها بس رتبتها حسب الافضل *بالنسبة ليا*
هذول اكثر شموع اعششقهم
نجي للشاور جل
مافيهم شيء مميز غير ريحتهم عادي اخلص شاور واروح واجي وريحتهم لسى فيا الواحد ب 60
نجي لاسماء اللي عندي ..
* Moonlight bath
* London Tulips & Raspberry Tea
* Morocco Orchid & Pink Amber
* Paris amour
* Tokyo Lotus Apple Blossom
وهذا افضل شاور جل بالنسبة ليا
الليفه عاديه زيها زي غيرها بس برضو احبها
فقعات للبانيو (Velvet sugar)
مرا حبيتها وريحتها قوية ب 55 ريال
اللوشن
حبيتها خفيفه وكمان ترطيبها جيد وريحتها مميزه الواحد ب 60
اللي عندي
* Tokyo Lotus Apple Blossom
* Paris amour
الكريمات
تقريبا نفس اللوشن بس تكون ثقيله شويا وترطيبها اكثر ب 60 ريال
* sweet pea
* Paris amour
بخاخات الجسم
جيده استخدمها فالبيت لان ما احب اتعطر بعطور كذا لما اطلع الواحد ب 80 اعتقد
اللي على اليمين Morocco Orchid & Pink Amber واليسار Paris amour
المعقمات
ثاني اكثر شغله احبها من باث، جميله وريحتها قويه الواحد ب 15
اسمائهم
* winter cran berry
* fresh sparkling snow
* sugar maple
* pocket bac
هذا موضوع اليوم وان شاء الله عجبكم..
