مشتريات جديدة من اي هيرب..

السلام عليكم ورحمة الله وبركاته..

طبعا الموضوع باين من عنوانه بوريكم شغلات جديدة طلبتها من اي هيرب

اي هيرب من المواقع اللي اعشقها لعدة اسباب اولهم الشحن 5 ايام تقريبا ويوصل ف هالشيء مرا يحمس
غير كذا الموقع فيه ماركات ومنتجات كثيره ومتنوعه

المهم ندخل بالموضوع واوريكم ايش طلبت

التغليف كالعادة مرتب وجيد

اللي على اليمين الصابونة الافريقيه واليسار صابونة البابايا

 زيت الليمون
قرأت عنه ولقيت ان له فوائد كثير ف عجبني وطلبته

 زيت الارقان اخذته من المدح اللي عليه بجربه واشوف

 زيت الجلسرين

 طبعا كلكم عارفينه البايو اويل

 غسول فيتامين سي يعطي نظاره للبشره

 شامبو

 تريتمنت للشعر اللي على اليمين بالجوجوبا واليسار بزيت الزيتون

فرشة تدليك للجسم  

هذي كانت مشترياتي وهنا رابط الموقع للي حابه تطلب
www.iherb.com

ريفيو لارواج لايم كرايم..

السلام عليكم ورحمة الله وبركاته..

اليوم الموضوع حيكون عن ارواج جديدة من لايم كرايم ورأيي فيها..

بغض النظر عن الكلام اللي طلع مؤخرا عن الشركة وعن المشاكل اللي حصلت لهم اليوم حتكلم عن تجربتي الشخصيه لموقعهم واراواجهم, ف اللي متردده بسبب الكلام تروح تقرأ عنه اكثر بقوقل ( ما حتكلم بالموضوع لان كثير اتكلموا فيه وما قصروا)..

المهم نرجع لموضوعنا الارواج طلبتها من نفس الموقع ووصلتني بعد أسبوعين تقريبا وما حصلت لي أي مشكله ف الشحن ولله الحمد.

هذي الارواج اللي اخترتها

اول ثلاثة الوان على اليمين:

ريد فلفيت: احمر صريح مو مرا عجبني اللون لانه شويا فاتح لكن ممكن اغمقه بروج غامق ويطلع بطل

فيدد: اللون هذا غريب بين الوردي والموف اعشقه عششق جدا مميز

بلاتشد: نيود على مشمشي فاتح جميل اللون حبيته

سعر الروج الواحد 75 ريال تقريبا 

سواتشز للالوان من النت:

طبعا هذي المجموعه كانت ليميتد اديشن ب165 تقريبا

حبيت اللونين ما عاد الأزرق ضايقني لونه الصراحه بس يلا مو مشكله

سواتش من النت

وهذا ليب ستيك 

رأيي ب الارواج:

حبيت شكل الروج وجودته وثباته طبعا الكل عارف انهم مات ولازم ترطبي شفايفك قبل لا تحطيها

اكثر شيء بهرني فالارواج ثباتها والوانها جدا واضحه.

بالنسبة لي حرجع اشتري باقي الألوان اللي عاجبتني ان شاء الله وانا متطمنه

وكذا خلصت موضوع اليوم واشوفكم فالموضوع الجاي ان شاء الله ..